site stats
बाह्रखरी :: Baahrakhari
विदेश
Nabil BankNabil Bank
Sarbottam CementSarbottam Cement
भाेका सन्तान शान्त पार्न लठ्याउने औषधि खुवाउन विवश छन् अफगानहरू
Ghorahi CementGhorahi Cement

काबुल । अफगानीहरू आफ्ना भोका सन्तानलाई शान्त पार्न लठ्याउने औषधि खुवाउछँन् । केहीले जिउनका लागि आफ्ना छोरी र शरीरका अंग बेचेका छन् । 

तालिबानले सत्ता सम्हालेयताको दोस्रो हिउँदमा विदेशी कोषहरू रोक्का भएका छन् भने लाखौँ अफगान जनता अनिकालको नजिक पुगेका छन् । 

Agni Group

“हाम्रा बच्चाहरू रोइरहन्छन् । उनीहरू भोकले सुत्न सक्दैनन् । हामीसँग खाना छैन,” अब्दुल वाहाव भन्छन्, “त्यसैले हामी आफ्ना सन्तानलाई लठ्याउन औषधिपसलमा गएर औषधि किनेर ल्याउछौँ ।”

अब्दुल मुलुककै तेस्रो सबैभन्दा ठूलो हेरात सहर नजिकै बस्छन् । त्यहाँ दशकौँदेखि हजारौँ युद्ध र प्राकृतिक प्रकोप पीडित विस्थापितहरू स–साना माटोले बनेका कच्ची घरमा बस्छन् । बीबीसीका पत्रकारहरूसामु जम्मा भएका अब्दुललगायत करिब एक दर्जन पुरुषमध्ये धेरैले आफ्ना बच्चाहरूलाई लठ्याउने औषधि खुवाउने गरेको विवशता पोखेका छन् । 

Global Ime bank

गुलाम हजरतले आफ्नो खल्ती छामेर अल्प्राजोलम औषधि निकाले पत्रकारहरूलाई देखाए । यो औषधि वास्तवमा तनाव पीडितहरूलाई लठ्याउनका लागि सिफारिस गरिने औषधि हो । 

एउटा रोटी किन्न चाहिने पैसाले पाँच चक्की अल्प्राजोलम आउँदो रहेछ । गुलामले आफ्ना छ सन्तानमध्ये सबैभन्दा कान्छो एक वर्षीय बालकलाई पनि यो खुवाउने गरेका छन् । 

डाक्टरहरूका अनुसार पौष्टिक तत्व नपुगेका कलिला बालबालिकालाई यस्तो औषधि सेवन गराउँदा उनीहरूका मृगौलामा क्षति पुर्‍याउँछ । अधिकांश मानिसले एउटै रोटी पनि टुक्रा पारेर परिवारमा बाँडेर खाने गरिरहेका छन् । एकजना महिलाले बिहान सुख्खा रोटी र बेलुका रोटी पानीमा भिजाएर खाने गरेको बताएकी छन् । बीबीसीबाट

NIBLNIBL
प्रकाशित मिति: शुक्रबार, मंसिर ९, २०७९  ०३:३०
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC