काठमाडौं । 'इनफिनिक्स हट ५०आई' स्मार्टफोन अब साढे १४ हजारमै पाइने भएको छ । उच्चस्तरीय क्यामेरा सुविधा र मनोरञ्जन विकल्पसहितको फोन अब १४ हजार ४९९ मा पाइने भएको हो ।

फोनमा ४८ मेगापिक्चल प्राइमरी क्यामेरा छ । जसबाट प्रयोगकर्ताले एआई फोटोग्राफी प्रविधिबाट उच्च रिजोलुसनका तस्बिर खिच्न सक्छन् । फोनमा रहेको ८ मेगापिक्चल फ्रन्ट क्यामेराले उत्कृष्ट सेल्फी खिच्न सकिन्छ ।

१२० हर्ज रिफ्रेस रेट भएको ६.७ इन्चको एचडी प्लस डिस्प्लेले उज्यालो दृश्य र सहज ट्रान्जिसनहरू प्रदान गर्ने बताइएको छ । जसले भिडियो स्ट्रिमिङ र गेमिङलाई रमाइलो बनाउनेछ ।

मिडियाटेक हेलियो जी८१ प्रोसेसर र ४जीबी रेमले यस फोनलाई सहज प्रदर्शन र प्रभावकारी मल्टिटास्किङ गर्न सक्षम बनाउने पनि कम्पनीको भनाइ छ । १२८ जीबी स्टोरेज भएकाले प्रयोगकर्ताले स्पेसको चिन्ता गर्नुपर्ने छैन ।

पाँच हजार एमएएच ब्याट्री र १८ वाट फास्ट चार्जिङ सपोर्टले यस स्मार्टफोनलाई दिनभर प्रयोग गर्न योग्य बनाउने पनि कम्पनीको भनाइ छ ।  

इनफिनिक्स हट ५०आई अब नेपालभरका सबै अधिकृत रिटेलर र अनलाइन प्लेटफर्महरूमा उपलब्ध हुनेछ ।