नयाँ दिल्ली । उत्तर प्रदेशको आजमगढ लोकसभा सिटमा भाजपाका उमेदवार तथा भोजपुरी फिल्मका स्टार दिनेशलाल निरहुवा पछाडि परेका छन् । उनले ५४ हजार ३०० मत पाएका छन् । 

उनको क्षेत्रमा धर्मेन्द्र यादवलाई एक लाख मत मिलेको छ । निरहुवा ४५ हजार मतले पछाडि रहेका छन् । उत्तर प्रदेशको गोरखपुर लोकसभा सिटमा भाजपा उमेदवार रबी किसन करिब २८ हजार मतले पछाडि रहेका छन् । 

यस्तै, हिमान्चल प्रदेशको मण्डी लोकसभा सिटमा अभिनेत्री कंगना रनौत करिब ५४ हजार मतले अगाडि रहेका छन् । सो क्षेत्रमा कांग्रेस उमेदवार बिक्रमादित्य दोस्रो नम्बरमा रहेका छन् । 

विहारको काराकाट लोकसभा सिटमा निर्दलीय उमेदवार पवनसिंह तेस्रो नम्बरमा चलिरहेका छन् ।

पश्चिम बंगालमा टीएमसीका उमेदवार शत्रुघन सिन्हा करिब ३२ हजार मतले अगाडि छन् । सो सिटमा सुरेन्द्रजीत सिंह दोस्रो नम्बरमा रहेका छन् । गुडगाउँ लोकसभा सिटमा कांग्रेस उमेदवार राज बब्बर करिब ३५ हजार मतले अगाडि छन् । सो क्षेत्रमा भाजपाका राव इन्द्रजीत सिंह दोस्रो स्थानमा रहेका छन् । माथिका सबै आँकडा मध्यान्ह १२.३० बजे सम्मको हो । बीबीसी