काठमाडौं । प्रथम राष्ट्रपति डा. रामवरण यादवले धर्मलाई राजनीतिबाट टाढा राख्नुपर्ने बताएका छन् । आइतबार मिथिला मध्यमा परिक्रमाको उद्घाटन गर्दै उनले धर्मलाई राजनीतिसँगै जोडेर हेर्ने परिपाटीका कारण समाज विखण्डनतर्फ बढिरहेको भन्दै चिन्ता व्यक्त गरेका हुन् ।

धर्ममा राजनीति हुँदा समाजमा विकृति बढेको उनले उल्लेख गरे । उनले धामिक कार्यक्रममा समाज उत्थानका कुरा हुनुपर्नेमा जोड दिए ।

“धर्ममा पनि राजनीति हुँदा समाजमा विकृति बढ्दै गइरहेको छ, यसलाई हामीले रोक्नुपर्छ,” उनले भने, “धार्मिक कार्यक्रमहरूमा समाज उत्थानको कुरा हुनुपर्छ । समाजलाई कसरी जोड्ने त्यसतर्फ छलफल हुनुपर्छ, न कि यस्ता कार्यक्रमहरूमा समेत नेता–कार्यकर्ताहरूलाई बोलाएर तामझाम गर्नुपर्छ ।’

कार्यक्रममा सहभागी मधेस प्रदेशको उद्योग, पर्यटन तथा वातावरणमन्त्री सुनिता यादवले आफूहरू मधेसलाई धार्मिक पर्यटनको हबका रूपमा विकास गर्न तत्पर रहेको बताइन् । न्युज एजेन्सी नेपाल