काठमाडौं । चलचित्र ‘अगस्त्य’ निर्माण पक्षले कलाकार नाजिर हुसेनका पाँच फरक गेटअप सार्वजनिक गरेको छ । फागुन १८ गतेबाट रिलिज हुने ‘अगस्त्यः च्याप्टर–१’को पोस्टरमा नाजिर फरकफरक पाँचवटा गेटअपमा देखिएका छन् । 

यसअघि यो सिनेमाका कलाकार सौगात मल्लको फर्स्टलुकले निकै चर्चा पाएको थियो । 

‘अगस्त्य’का लेखक तथा निर्देशक सौरभ चौधरीका अनुसार नाजिरले यो सिनेमाका लागि २० केजी तौल बढाएका थिए । सार्वजनिक पोष्टरमा नाजिरको फिल्ममा सुरुआतदेखि अन्तिमसम्मको भूमिकालाई प्रस्तुत गरिएको निर्माणपक्षले जानकारी दिएको छ । चलचित्रमा नाजिरलाई ‘निसान’ पात्रको भूमिकामा देख्न सकिने निर्माण पक्षले जारी गरेको प्रेस नोटमा उल्लेख छ ।  

चलचित्रमा प्रकाश मल्ल, अनिष तामाङ र विनोद पौडेलको लगानी छ । चलचित्रका कार्यकारी निर्माता विश्व गौचन र अभिषेक चौधरी हुन् । 

चलचित्रमा सौगात मल्ल, नाजिर हुसेन, मलिका महत, प्रमोद अग्रहरी, विजय बराल, रवीन्द्र झालगायत कलाकारको अभिनय छ ।