काठमाडौं । चलचित्र ‘रङ्गेली’को टिजरमा दयाहाङ राई र अर्पण थापाको टकराक देखिएको छ । शक्ति हत्याउन दयाहाङ र अर्पणबीच टकराब रहेको देखिन्छ । 

टिजरमा मिरुना मगर पनि देखिन्छिन् । चलचित्रको सार तथा पात्र परिचित गराउने टिजरमा अभिनेता द्वय दयाहाङ र अर्पणलाई एकआपसका विरोधीका रूपमा चित्रण गरिएको छ । 

फागुन २५ गते महाशिवरात्रिको दिन रिलिज हुने चलचित्रलाई अर्जुन सुवेदीले निर्देशन गरेका छन् । चलचित्रका लेखक पनि सुवेदी स्वयं हुन् । 

‘रङ्गेली’मा अर्पण, दयाहाङ, मिरुनासँगै प्रवीण खतिवडा, रमेश बुढाथोकीलगायत कलाकार मुख्य भूमिकामा छन् ।