काठमाडौं । युट्युब ट्रेन्डिङमा प्रकाश सपूतको ‘मुटु कटक्कै’ र टेलिसिरियल ‘सकस’ रहेका छन् । दश दिन अगाडि रिलिज भएको प्रकाशको गीत ‘मुटु कटक्कै’ अहिले पनि युट्युब ट्रेन्डिङको एक नम्बरमा छ । 

शब्द तथा संगीत प्रकाश स्वयंको रहेको गीतमा कुशल बेलबासे र प्रताप दासको पनि स्वर छ ।  

गीतको भिडियो निर्देशन पनि प्रकाश स्वयंको छ । प्रकाश सपूतसँगै कुशुम शर्मालागत कलाकार छन् ।

युट्युब ट्रेन्डिङको दोस्रो नम्बरमा टेलिसिरियल ‘सकस’ छ । पाँच दिन अगाडि रिलिज भएको ‘सकस’का निर्देशक तथा लेखक राजु पौडेल हुन् । 

‘सकस’मा लक्ष्मीनाथ तिमिल्सिना, तारा केसी, लोकेन्द्र लेखक, दीपक शर्मालगायतको अभिनय छ ।