काठमाडौं । चलचित्र ‘दयारानी’को गीत सार्वजनिक गरिएको छ । सोमबार अंग्रेजी नयाँ वर्षको अवसर पारेर ‘चोरी चोरी’ बोलको गीत सार्वजनिक गरिएको हो । 

गीतमा सिनेमाका मुख्य कलाकार दयाहाङ राई र दीया पुन फिचर्ड छन् ।

मनोज थापा मगरको संगीत तथा हर्क साउँदको शब्दरचना रहेको गीतमा संगीतकार थापा मगर र सदीक्षा कट्टेलको स्वर छ । 

अभिनेता माओत्से गुरुङको लेखन तथा निर्देशनमा निर्माण भएको चलचित्र माघ २६ गते रिलिज हुँदै छ । 

अभिनेता गुरुङको डेव्यु निर्देशन रहेको चलचित्रमा दयाहाङ र दीयाका अलावा विजय बराल, प्रमिसा गुरुङ, पुस्कर गुरुङ, टिकाराम घलेलगायत कलाकार छन् । 

र्शिषा कुँवर, नयन गुरुङ, सुर्य सुनार, राजेन्द्र थापा, सीतादेवी गुरुङ र क्रिष्टी गुरुङ लगायतका कलाकार पनि अभिनय छ । 

चलचित्रको कार्यकारी निर्माता रामबाबु गुरुङ र अपिल विष्ट हुन् ।