काठमाडौं । नेपाली कथानक चलचित्र हल्काराको निर्माण पक्षले चिठी लेखेर चलचित्र हेर्न आमन्त्रण गरेको छ । वैशाख २९ गतेबाट प्रदर्शन हुन लागेको चलचित्रको २७ गते (बुधबार) प्रिमियर शो आयोजना गरेको छ । उक्त प्रिमियर शोका लागि बोलाइएका पत्रकार, चलचित्रकर्मी तथा शुभचिन्तकलाई ‘हल्कारा’ निर्माण पक्षले चिठी लेखेर निमन्त्रणा दिएको छ ।
‘हल्कारा’मा हल्कारा सिनेमाको मुख्य पात्र हो । जसको काम हुलाका आएका चिठी घरघरमा पुगेर बाँड्नु हो ।
यस्तो छ चिठीः
प्रिय शुभचिन्तकज्यू, हामी कुशल मंगल नै छौँ । र, तपाईँको पनि कुशल मंगल नै चाहन्छौँ ।
हामीले निकै मिहिनेतका साथ निर्माण गरेको र यही वैशाख २९ गतेबाट देशभर प्रदर्शनमा आउन लागेको चलचित्र ‘हल्कारा’को प्रिमियर शो आयोजना गरिएकाले निम्न मिति, स्थान र समयमा यहाँको उपस्थितिको लागि हार्दिक निमन्त्रणा दिन यो पत्र लेखेका छौँ ।
मिति : वि. सं. २०८० वैशाख २७ गते बुधबार
स्थानः वन सिनेमा, आइप्लेक्स मल, बानेश्वर, काठमाडौँ ।
समयः साँझ ४ः३० बजे (तपाईंको प्रतीक्षा रहनेछ ।)
उही तपाईंको
विक्रम सापकोटा, निर्देशक
रामकृष्ण पोखरेल, निर्माता
साथै ‘हल्कारा’ चलचित्र परिवार