काठमाडौं । महिन्द्राले आफ्नो फ्ल्यागसिप ग्लोबल एसयूभी– एक्सयूभी ७०० नेपालमा सार्वजनिक गरेको छ ।
महिन्द्राले सोमबार पानीपोखरी सोरुममा एसयूभी–७०० सार्वजनिक गरेको हो । एक्सयूभी ७०० नेपालको पहिलो महिन्द्रा एसयूभी बनेको छ, जुन नयाँ पहिचान – ट्विन पिक्स लोगोको साथ आएको छ ।
भारतबाहिर दक्षिण अफ्रिकापछि नेपाल दोस्रो बजार हो । जहाँ एक्सयूभी ७०० लन्च गरिएको कम्पनीले जनाएको छ । नेपालमा एक्सयूभी ७०० पाँच र सात सिट क्षमताको म्यानुअल र अटोमेटिक अप्सनसहितको पेट्रोल इन्जिनमा उपलब्ध हुने महिन्द्राले जनाएको छ ।
एक्सयूभी ७०० भारतको सबैभन्दा प्रतिष्ठित इन्डियन कार अफ द इयर अवार्ड २०२२ को विजेता, र कुल ३१ पुरस्कारहरू विजेता सबैभन्दा सम्मानित कार हो ।
एक्सयूभी ७०० मा २४ घण्टामा चार हजार किलोमिटर दूरी तय गर्ने सहनशक्ति रेकर्ड ब्रेक पनि समावेश छ । एक्सयूभी ७०० भारतको सबैभन्दा अग्लो मोटरेबल सडक–उमलिंग ला यात्रा गर्ने पहिलो भारतीय एसयूभी बनेको छ । महिन्द्रा एक्सयूभी ७०० को प्रारम्भिक मूल्य ७४ लाख रुपैयाँ रहेको छ ।
यो मुल्य फेब्रुअरी २०२३ मा प्रारम्भिक डेलिभरी हुने गरि सार्वजनिक गरिएको मितिदेखि एक महिनाका लागि लागु हुने कम्पनीले जनाएको छ ।
एसयूभीमा १०.२५ इन्चको टचस्क्रीन इन्फोटेनमेन्ट सिस्टम र क्लस्टर, सिक्स वे पावर्ड ड्राइभर सिट र १२ सोनी स्पिकरसहितको क्लास लिडिङ म्युजिक सिस्टम प्रिमियम सुविधाहरू रहेको छ ।
यसमा प्यानोरमिक सनरुफ र डुअल जोन क्लाइमेट कन्ट्रोल पनि रहेको छ । महिन्द्राले वयस्क सुरक्षाका लागि जीएनसीएपीद्वारा फाइभ स्टार सेफ्टी रेटिङको साथ एक प्रमुख कोसेढुङ्गा पनि हासिल गरेको छ र एसयूभी सुरक्षा विकल्पको रूपमा स्वायत्त इमर्जेन्सी ब्रेकिंग (एईबी) प्रदान गर्ने पहिलो मेड–इन–इन्डिया र स्वामित्व ब्रान्ड भएको पनि बनेको छ ।
यसको साइ–फाई टेक्नोलोजी, उत्साहजनक प्रदर्शन विश्वस्तरीय सुरक्षाको साथ, एक्सयूभी ७०० यसअघि कहिल्यै नभएको एड्रेनालाईन डायल गर्न इन्जिनियर गरिएको छ ।
एक्सयूभी ७०० ट्विन पिक्स ब्राण्डको एसयूभी सोेरुमबाट उपलब्ध गराइनेछ, जुन नेपाली ग्राहकलाई प्रिमियम अनुभव प्रदान गर्नकै लागि संरचित गरिएको छ ।
सुरुमा एक्सयूभी ७०० काठमाडौंका दुई ट्विन पिक ब्राण्डका सोरुमबाट उपलब्ध हुनेछ । ट्विन पिक्स नेटवर्क आगामी मार्च २०२३ सम्ममा नेपालभरका पाँच वटा सोेरुममा विस्तार गरिने महिन्द्राले जनाएको छ ।