काठमाडौं । इंग्लिस प्रिमियर लिगको साविक विजेता म्यानचेस्टर सिटीले एफए कपको पाँचौँ चरणमा च्याम्पियनसिपको क्लब ब्रिस्टल सिटीविरुद्ध खेल्ने भएको छ ।
म्यानचेस्टर युनाइटेडले प्रिमियर लिगकै अर्को प्रतिद्वन्द्वी वेस्टह्याम युनाइटेडसँग प्रतिस्पर्धा गर्नेछ । वेस्टह्यामले सोमबार राति डर्बी काउन्टीलाई २–० ले पराजित गर्दै पाँचौँ चरणमा स्थान पक्का गरेको थियो ।
सोमबार राति नै निकालिएको एफए कपको ‘ड्र’अनुसार ६ टिमको टुंगो लाग्न बाँकी छ । बर्मिङघम सिटी र ब्ल्याकबर्न रोभर्समध्ये एकले प्रिमियर लिगको क्लब लेस्टर सिटीविरुद्ध प्रतिस्पर्धा गर्नेछ ।
सन्डरल्यान्ड र फुलहमबीचको विजेताले लिड्स युनाइटेडविरुद्ध खेल्नेछ । रेक्सन र शेफिल्ड युनाइटेडबीचको विजेताले टोटनहमसँग प्रतिस्पर्धा गर्नेछ ।
यस्तै, ग्रिम्सबे टाउन र लुटन टाउनबीचको विजेताले साउथह्याम्पटनविरुद्ध प्रतिस्पर्धा गर्नेछ । बर्नली र इप्सविच टाउनबीचको विजेताले फ्लिटउड टाउन र शेफिल्ड वेनसडेबीचको विजेतासँग प्रतिस्पर्धा गर्नेछ ।
एफए कपमा पाँचौँ चरणका खेल
– साउथह्याम्पटनविरुद्ध ग्रिम्सबे टाउन र लुटन टाउनबीचको विजेता
– लेस्टर सिटीविरुद्ध बर्मिङघम सिटी र ब्ल्याकबर्न रोभर्सबीचको विजेता
– स्टक सिटीविरुद्ध ब्राइटन
– रेक्सन र शेफिल्ड युनाइटेडबीचको विजेताविरुद्ध टोटनहम
– ब्रिस्टल सिटीविरुद्ध म्यानचेस्टर सिटी
– म्यानचेस्टर युनाइटेडविरुद्ध वेस्टह्याम युनाइटेड
– बर्नली र इप्सविच टाउनबीचको विजेताविरुद्ध फ्लिटउड टाउन र शेफिल्ड वेनसडेबीचको विजेता ।