काठमाडौं । प्रतिनिधि सभाका सभामुख देवराज घिमिरेले सहिदको सपना पूरा गर्न सञ्चारमाध्यमको ठूलो योगदान रहेको बताएका छन् । सिंहदरवारस्थित सभामुखको कार्यकक्षमा सोमबार संसदीय मामिलाका पत्रकारसँगको भेटमा घिमिरेले सहिदका बाँकी सपना पूरा गर्न भूमिका खेल्न पनि पत्रकारलाई आग्रह गरे ।
समाजलाई अग्रगति दिन मिडियाको महत्वपूर्ण भूमिका रहेको उनको भनाइ छ । विशष राजनीतिक घटना हुँदा सभामुखले मिडियासँग दूरी नराखिदिन पनि उनले आग्रह गरे । “यसअघि सांसदहरुको विषय बाझिएको सन्दर्भमा सभामुखको भूमिका प्रभावकारी हुन सकेको छैन” भन्दै नवनिर्वाचित सभामुख घिमिरेको कार्याकालमा त्यसो नगर्न पत्रकारले सचेतसमेत गराएका छन् ।
पत्रकारले सभामुख घिमिरेसँग सदनमा लबि रिपोर्टिङको प्रारम्भ गर्ने अपेक्षा पनि गरेका छ्न् ।