काठमाडौं । ईसेवा मनी ट्रान्सफरको ब्रान्ड एम्बासडरमा दयाहाङ राई आवद्ध भएका छन् ।
यसअघि, महानायक राजेश हमाल पनि ब्रान्ड एम्बासडरका रुपमा ईसेवा मनी ट्रान्सफरसँग आवद्ध भएका थिए ।
राई ईसेवा मनी ट्रान्सफरको यूएईलगायत विभिन्न मुलुकमा हुने ‘मेरो डिजिटल देश’ अभियानमा प्रचार–प्रसारमा सहभागी हुने ईसेवा मनी ट्रान्सफरले जनाएको छ ।
“ईसेवा मनी ट्रान्सफर जस्तो छोटो समयमा नै प्रगतिको शिखर चुम्न सफल रेमिट्यान्स कम्पनीसँग आवद्ध हुन पाउँदा म एकदमै खुसी र साथमा उत्साहित पनि छु । विदेश गएर काम गर्दै आउनुभएका दाजुभाइ–दिदीबहिनीसँग भेट्न पनि म आतुर छु । यसले मलाई एक नेपालीको रुपमा वैधानिक माध्यमबाट मुलुकमा रेमिट्यान्स भित्राएर देशको अर्थतन्त्रलाई उजागर गर्न थप जिम्मेवारी बोध गराएको छ,” राइले भने ।
यसैगरी कम्पनीका प्रमुख कार्यकारी अधिकृत अजेस कोइरालाले भने, “दयाहाङ राईको नेपालमा मात्र नभएर यूएई र संसारभर नै फ्यान पÞmलोइङ्ग एकदमै राम्रो रहेको छ । उहाँ जस्तो लोकप्रिय व्यक्तित्वलाई कम्पनीको ब्रान्ड हिरो एम्बासडरको रुपमा आवद्ध गर्न पाउँदा हर्षित छौँ ।”