देश
काठमाडौं । काठमाण्डौको सितापाइलामा आज भएको सवारी दुर्घटनामा पैदलयात्रीको मृत्यु भएको छ । मृत्यु हुनेमा अन्दाजी ४० वर्षीया महिला रहेकी छिन् ।
कंलकीबाट स्वयम्भूतर्फ आउँदै गरेको बा २ ख ८३६८ नम्बरको बस र विपरित दिशाबाट जाँदै गरेको ना १ ज ३४२१ नम्बरको टाटासुमो आज बिहान ११ बजे आपसमा ठोकिएका थिए ।
टाटासुमोसँग ठोकिएर अनियन्त्रित भएर पल्टिएको बसले सडक पार गर्दै गरेकी पैदलयात्री महिलालाई किचेको थियो । गम्भीर घाइते भएकी उनको उपचारको क्रममा स्वयम्भूस्थित मनोमहन मेमोरियल अस्पतालमा मृत्यु भएको हो ।
टाटासुमो चालकलाई प्रहरीले नियन्त्रणमा लिएको छ भने बस चालक फरार रहेकाले खोजी भइरहेको प्रहरी वृत स्वयम्भूले जानकारी दिएको छ ।
प्रकाशित मिति: सोमबार, माघ १६, २०७९ १३:३७
प्रतिक्रिया दिनुहोस्