देश
काठमाडौं । तेह्रथुम र ललितपुरमा जबरजस्ती करणी गरेको आरोपमा प्रहरीले दुईजनालाई पक्राउ गरेको छ ।
तेह्रथुममा १४ वर्षीया बालिकालाई जबरजस्ती करणी गरेको आरोपमा आठराई गाउँपालिका–६, फुङसिङ बस्ने ६७ वर्षीय सूर्य कन्दङवालाई आइतबार प्रहरीले पक्राउ गरेको हो ।
कन्दङवाले ती बालिकालाई केही महिना अगाडिदेखि ललाई फकाई जबरजस्ती करणी गरेको प्रहरीले जानकारी दिए ।
त्यस्तै, ललितपुरमा १५ वर्षीया बालिकालाई जबरजस्ती करणी गरेको आरोपमा एकजनालाई पक्राउ गरेको छ ।
गोरखाको तारुघाट गाउँपालिका–८ घर भई हाल काठमाडौं बुढानिलकण्ठ नगरपालिका–४ बस्ने १८ वर्षीय किशोरलाई पक्राउ गरिएको प्रहरीले जानकारी दिए । प्रहरीले उनलाई आइतबार राति पक्राउ गरेको हो ।
प्रकाशित मिति: सोमबार, माघ १६, २०७९ १३:१४
प्रतिक्रिया दिनुहोस्