विराटनगर । सविक विजेता कोसी क्याम्पसलाई फराकिलो रन अन्तरले पराजित गर्दै कान्तिपुर कलेज विराटनगर हिसान क्रिकेटको च्याम्पियन बनेको छ ।
आइतबार बैजनाथपुरको क्रिकेट मैदानमा भएको फाइनल खेलमा साविक विजेता कोसी क्याम्पसलाई ९८ रनको फराकिलो अन्तरले पराजित गदै कान्तिपुर क्रिकेटको च्याम्पियन बनेको हो ।
हिसान स्पोर्टस मिटको ११ औं संस्करणको फाइनलमा टस जितेर ब्याटिङ गरेको कान्तिपुरले निर्धारित २० ओभरमा ५ विकेट गुमाई १ सय ३७ रनको योगफल तयार गरेको थियो । उसको जितमा निशान्त यादवले ४० रन, भोला सेठले २७ रन, कृष्ण गुप्ताले २५ रन र नवराज संग्रौलाले १५ रनको गोगदान दिएका थिए ।
कोसीका सुमन पासवान र अमित रायले १–१ विकेट लिए ।
जवाफमा उत्रिएको कोसीले कान्तिपुरको बलरसामु घुँडा टेक्दै १३ ओभरमा सबै विकेट गुमाई ३९ रनमा सीमित बन्न पुग्यो । कोसीका सुमन पासवानले १० रन बाहेक अरु ब्याटम्यानले जम्न सकेनन् ।
म्यान अफ द फाइनल कान्तिपुरका राज बर्माले ४ ओभरमा ९ रन दिएर ७ विकेट लिँदा अफुदिन रेनले २ विकेट लिए । प्रतियोगिताको कान्तिपुरका राज बर्मा घोषित भए । यसैगरी अभिषेक मण्डल उत्कृष्ट बलर घोषित भए । कोसीमा अमित राय उत्कृष्ट ब्याट्सम्यान घोषित भए ।
कोसी कलेज फुटबलको फाइनलमा
हिसान स्पोर्टस मिट अन्तर्गत शहिद मैदानमा आइतबार भएको फुटबलको सेमिफाइनलमा कोसी क्याम्पस विजयी हुँदै फाइनलमा प्रवेश गरेको छ ।
पहिलो सेमिफाइनल खेलमा विराटनगरको कोसी क्याम्पसले पथरीको रेडटार कलेजाई १–० को गोल अन्तरले पराजित गदै फाइनलमा प्रवेश गरेको छ । खेलको एक मात्र निर्णायक गोल कोशीका किशोर चाम्लिङले गरे । उनी खेलको म्यान अफ द म्याच घोषित भए ।