काठमाडौं । चौथो वरीयताका नोभाक जोकोभिचले आइतबार तेस्रो वरीयताका स्टेफानोस सित्सिपासलाई ३–० को सेझो सेटमा हराउँदै अस्ट्रेलियन ओपनको उपाधि जितेका छन् ।
सर्बियाका पूर्व नम्बर एक जोकोभिचले ग्रिसका सित्सिपासलाई पहिलो सेटमा सहज जित निकाले पनि बाँकी दुई सेटमा संघर्ष गर्नु परेको थियो । जोकोभिचले बाँकी ६–३, ७–६(७/४), ७–६(७/५) को स्कोरमा हराएका हुन् । अस्ट्रेलियामा जोकोभिचले सबैभन्दा उपाधि उचालेका छन् । मेलबर्न पार्कमा जोकोभिचको यो दसौँ उपाधि हो । अस्ट्रेलियाका रोए इमर्सन र स्विट्जरल्यान्डका रोजर फेडेररले समान ६ पटक उपाधि जितेका छन् ।
जोकोभिचले यसअघि २००८, २०११, २०१२, २०१३, २०१५, २०१६, २०१९, २०२० र २०२१ मा अस्ट्रेलियन ओपनको उपाधि जितेका थिए । ३५ वर्षे जोकोभिचको यो २२औँ ग्रान्डस्लाम उपाधि हो । यससँगै जोकोभिचले नाफेल नाडालको सबैभन्दा धेरै २२ ग्रान्डस्लामको उपाधि जित्ने कीर्तिमानीसँग पनि बराबरी गरेका छन् ।
जोकोभिचले दुई फ्रेन्च ओपन, सात विम्बल्डन र तीन यूएस ओपनको उपाधि जितेका छन् ।
जोकोभिचले गत वर्ष अस्ट्रेलियन ओपन खेल्न पाएनन् । कोभिड–१९ विरुद्धको खोप नलगाएका कारण जोकोभिचलाई अस्ट्रेलिया प्रवेशमा रोक लागाइएको थियो । जोकोभिचले अदालतमा मुद्दा दायर गरेपछि अस्ट्रेलियामा प्रवेश गरेपनि जोकोभिचलाई पछि डिपोट गरिएको थियो ।