राजनीति
काठमाडौं । प्रमुख प्रतिपक्षी दल नेपाली कांग्रेसले निर्वाचनमा भएको अन्तर्घात सम्बन्धनमा उजुरी गर्ने समय थपेको छ । पार्टीले दोस्रोपटक समय थप गरेको हो ।
आइतबार विज्ञप्ति जारी गर्दै पार्टीको केन्द्रीय अनुशासन समितिले माघ मसान्तभित्र कारबाही सम्बन्धमा उजुरी पठाउन समय थप भएको जानकारी दिएको छ ।
मंसिर ४ मा भएको प्रदेश र प्रतिनिधिसभा निर्वाचनमा पार्टीका उमेदवारहरुलाई अन्तर्घात गर्नेहरूको विवरण समयसीमाभित्र माथि पठाउन विज्ञप्तिमा उल्लेख गरिएको छ ।
समितिले पहिलोपटक पुस १५ भित्र विवरण पठाउन निर्देशन दिएको थियो । पहिलोपटक म्याद थप गर्दै समितिले यो समयसीमा माघ १५ र दोस्रोपटक समय थपेर माघ मसान्तसम्ममा विवरण पठाउन भनिएको हो ।
प्रकाशित मिति: आइतबार, माघ १५, २०७९ १६:११
प्रतिक्रिया दिनुहोस्