बाह्रखरी फोटो
काठमाडौं । रवि लामिछानेले आइतबार पुनः नेपाली नागरिकताको प्रमाणपत्र लिएका छन् । जिल्ला प्रशासन कार्यालय काठमाडौं पुगेर नागरिकताको प्रमाणपत्र लिएका हुन् ।
जिप्रकाले उनको नेपाली नागरिकता पुनः कायम गरेको राष्ट्रिय स्वतन्त्र पार्टीका केन्द्रीय सदस्य दीपक बोहोराले जानकारी दिए ।
नागरिकताको प्रमाणपत्र लिएर जिप्रकाबाट बाहिरिँदै गर्दा उनले हात हल्लाएर समर्थकलाई अभिवादन गरेका थिए । त्यति बेला रविका दाजु हरिशरण लामिछाने पनि सँगै थिए ।
लामिछाने जिप्रकाबाट बाहिरिने क्रममा त्यहाँ समर्थक र सञ्चारकर्मीको भीड लागेको थियो । सुरक्षाकर्मीको पनि बाक्लो उपस्थिति थियो ।
थप तस्बिर हेर्नोस्–
प्रकाशित मिति: आइतबार, माघ १५, २०७९ १४:३८
प्रतिक्रिया दिनुहोस्