काठमाडौं । लाउटारो मार्टिनेजले गरेको दुई गोलमा शनिबार राति क्रेमोनेसलाई २–१ ले हराउँदै इन्टर मिलान इटालियन सिरी ‘ए’को दोस्रो स्थानमा उक्लिएको छ ।
घरेलु टोली क्रेमोनेसले ११औँ मिनेटमा डेविड ओकेरेकेको गोलबाट अग्रता लिएको थियो । २१औँ मिनेटमा पाहुना टोली इन्टरका मार्टिनेजले बराबरी गोल फर्र्काए । इडेन जेकोले हानेको भली घरेलु टोलीका गोलकिपर मार्को कार्नेसेचीले राम्रोसँग बचाउ गर्न नसक्दा प्राप्त बललाई मार्टिनेजले पोष्
श्रटको दिशा दिएका थिए ।
६५औँ मिनेटमा जेकोकै पासमा मार्टिनेजले अर्को गोल थपेपछि इन्टरले तीन अंक पक्का गर्यो ।
जितपछि इन्टरले २० खेलबाट ४० अंक जोडेको छ । त्यो शीर्ष क्लब नेपोलीभन्दा १० अंकले पछाडि हो । तेस्रो स्थानको एसी मिलानभन्दा दुई अंकले माथि हो । इन्टरले एक खेल बढी खेलेको छ । पराजित क्रेमोनेस आठ अंकका साथ अंक तालिकाको पुछारमा छ ।
एटलान्टा २–० साम्पडोरिया
गए राति एटलान्टा साम्पडोरियालाई २–० ले हराउँदै चौथो स्थानमा उक्लिन सफल भएको छ । एटलान्टाले २० खेलबाट ३८ अंक जोडेको छ । त्यो तेस्रो स्थानको मिलानसँग अंक बराबरी हो । दोस्रो स्थानको इन्टरभन्दा दुई अंकले पछाडि हो । मिलानले एक खेल कम खेलेको छ । पराजित साम्पडोरिया नौ अंकका साथ पुछारबाट दोस्रो स्थानमा छ ।
सिरी ‘ए’को अर्को खेलमा इम्पोली र टोरिनोले २–२ को बराबरी खेले ।