काठमाडौं । विश्व वरीयताको पाँचौं स्थानकी आर्यना सबालेन्का र माग्डा लिनेट वर्षको पहिलो ग्रान्डस्लाम अस्ट्रेलियन ओपनको सेमिफाइनलमा प्रवेश गरेका छन् ।
बुधबार भएको क्वार्टरफाइनलमा बेलारुसकी साबालेन्काले क्रोएसियाकी डोना भेकिचलाई २–० को सोझो सेटमा पराजित गर्दै सेमिफाइनलमा स्थान पक्का गरिन् ।
साबालेन्काले वरीयताको ६४औं स्थानकी भेकिचविरुद्ध ६–३, ६–२ को स्कोरमा पराजित गरिन् । २४ वर्षीय साबालेन्काले सन् २०१८ देखि अस्ट्रेलियन ओपनमा सहभागिता जनाउन सुरु गरेपनि पहिलो पटक सेमिफाइनलमा स्थान बनाएकी हुन् । साबालेन्का गत वर्ष प्रतियोगिताको चौथो चरणबाट बाहिरिएकी थिइन् ।
उनले अब फाइनल प्रवेशका लागि पोल्यान्डकी लिनेटसँग खेल्नेछिन् । लिनेटले आजै भएको क्वार्टरफाइनल खेलमा चेक गणतन्त्रकी क्यारोलिना प्लिस्कोभालाई २–० को सोझो सेटमा पराजित गर्दै सेमिफाइनलको टिकट काटिन् ।
वरीयताको ४५औं स्थानकी ३० वर्षीय लिनेटले पनि पहिलोपटक प्रतियोगिताको सेमिफाइनलमा स्थान बनाएकी हुन् । सन् २०१६ देखि अस्ट्रेलियन ओपन खेल्न थालेकी लिनेट गत वर्ष प्रतियोगिताको दोस्रो चरणबाटै बाहिरिएकी थिइन् ।
