काठमाडौं । रुसकी एलेना रिबाकिना र बेलारुसकी भिक्टोरिया अजारेन्का वर्षको पहिलो ग्रान्डस्लाम अस्ट्रेलियन ओपनको सेमिफाइनलमा प्रवेश गरेका छन् ।

प्रतियोगितामा मंगलबार भएको क्वार्टरफाइनल खेलमा लात्भियाकी जेलेना ओस्टापेन्कोलाई २–० को सोझो सेटमा हराउँदै वरीयताको २२ औं स्थानकी रिबाकिनाले सेमिफाइनलमा स्थान पक्का गरिन् । 

उनले वरीयताको १७ औं स्थानकी ओस्टापेन्कालाई ६–२, ६–४ को स्कोरमा पराजित गरिन् । रिबाकिनाले अब फाइनल प्रवेशका लागि बेलारुसकी अजारेन्काविरुद्ध खेल्नेछिन् । रिबाकिना गत वर्ष प्रतियोगिताको दोस्रो चरणबाटै बाहिरिएकी थिइन् ।

आजै भएको अर्को क्वार्टरफाइनल खेलमा वरीयताको २४ औं स्थानकी अजारेन्काले अमेरिकाकी जेसिका पेगुलालाई २–० को सोझो सेटमा पराजित गरिन् । 

वरीयताको तेस्रो स्थानकी पेगुलालाई अजारेन्काले ६–४, ६–१ को स्कोरमा पराजित गरिन् । अजारेन्का गत वर्ष प्रतियोगिताको चौथो चरणबाट बाहिरिएकी थिइन् ।