काठमाडौं । इंग्लिस क्लब म्यानचेस्टर सिटीले अर्जेन्टिनाका युवा मिडफिल्डर म्याक्सिमो पेरोनलाई अनुबन्ध गरेको छ । 

सिटीले बुधबार २० वर्षीय अर्जेन्टिनी मिडफिल्डर पेरोनलाई भेलेज सार्सफिल्डबाट अनुबन्ध गरेको हो । भेलेजसँग पाँच वर्षको सम्झौता भएको सिटीले जनाएको छ । सम्झौताअनुसार भेलेज सन् २०२८ सम्म सिटीमा रहनेछन् ।

पेरोनले अर्जेन्टिनाको यू–२० टिमबाट दक्षिण अमेरिकन च्याम्पियनसिप खेलेका थिए । पेरोनसँगको सम्झौता रकमबारे भने सिटीले केही खुलाएका छैन । सिटीले गत वर्षपनि अर्जेन्टिनाका युवा फरवार्ड युलियन आल्भारेजलाई क्बलमा भित्र्याएको थियो । 

प्रिमियर लिगमा २० खेलबाट ४५ अंक जोडेको सिटी तालिकाको दोस्रो स्थानमा छ । सिटीभन्दा अघि रहेको आर्सनलले १९ खेलबाट ५० अंक जोडेको छ । सिटीले एफए कपको चौथो चरणमा शनिबार आर्सनलसँग नै खेल्ने तालिका छ ।