काठमाडौं । कवि मुकुन्द अर्यालको औपन्यासिक कृति ‘जीबाको चौतारी’ एक समारोहका बीच सार्वजनिक गरिएको छ ।
शनिबार काठमाडौंमा भूगोल साहित्य समाजद्वारा आयोजित कार्यक्रममा संस्कृतिविद् डा. जगमान गुरुङलगायतका अतिथिहरूले उक्त उपन्यास सार्वजनिक गरे ।
प्रज्ञा–प्रतिष्ठानका पूर्वउपकुलपति डा. जगमान गुरुङले पुस्तक सार्वजनिक गर्दै अर्यालको उपन्यास साहित्यिक क्षेत्रको साझा चौतारी भएको बताए ।
कार्यक्रममा पूर्वसहायकमन्त्री दीनबन्धु अर्यालले साहित्य समाजको दर्पण भएको बताउँदै यसले चेतनामूलक सन्देशहरू प्रवाह गर्ने बताए ।
पुस्तकमाथि समीक्षात्मक टिप्पणी गर्दै कवि मित्रलाल पंज्ञानीले ‘जीबाको चौतारी’मा स्वैरकल्पना, रहस्य र यथार्थ सबैको समिश्रण रहेको उल्लेख गरे ।
कार्यक्रममा बैंकर जनार्दन आचार्य, ज्याग्दीखोला साहित्य प्रतिष्ठानका अध्यक्ष देवेन्द्र लम्साल, साहित्यकार विनोद नेपाल, मुकुन्द अर्याल, दिनेशविक्रम थापालगायतले बोलेका थिए ।