काठमाडौं । पृथ्वी राजमार्ग अन्तर्गतको पोखरा मुग्लिन सडक विस्तारका कारण अहिले सवारी र यात्रुले सास्ती बेहोर्नुपरेको छ ।
सडक विभाग आयोजना निर्देशनालयले यो सडक चार लेनको बनाउन लागेको हो । एसियाली विकास बैंक एडीबीको सहुलियतपूर्ण कर्जामा यो सडक चार लेनको बनाउन लागिएको हो ।
आबुखैरेनी पोखरा सडक विस्तार गर्न एडीबीले यसअघि नै २१ अर्ब ५० करोड रुपैयाँ कर्जा उपलब्ध गराएको थियो ।
मुग्लिन आबुखैरेनी क्षेत्रमा रहेको ६७ मेगावाट क्षमताको मर्स्याङ्दी जलविद्युत् आयोजना रहेकाले त्यस क्षेत्रमा भने सडक चौडा पार्ने काम गरिएको छैन ।
विस्तार गर्न लागिएको लागिएको सडक दुवैतर्फ सात सात मिटरको हुनेछ । सहरी क्षेत्रमा पैदलयात्रुको पनि चाप हुने भएकाले सडक फराकिलो बनाउन लागिएको हो । खुला ठाउँमा भने सडक १८ मिटरसम्मको हुने आयोजनाले जनाएको छ ।
अहिले सडक निर्माणको काम धमाधम चलेकाले पोखरा भएर आवतजावत गर्ने यात्रुले सास्ती खेप्नुपरेको छ ।
हेरौं, सो क्षेत्रमा पुगेर बाह्रखरीकर्मी जीवन भट्टराईले लिएका केही तस्बिर