काठमाडौं । राष्ट्रनिर्माता पृथ्वीनारायण शाहको ३०१औँ जन्मजयन्ती एवं राष्ट्रिय एकता दिवसका अवसरमा आज चियापान कार्यक्रमको आयोजना गरिएको छ । राष्ट्रिय प्रजातन्त्र पार्टी (राप्रपा)ले काठमाडौंको भृकृटीमण्डपमा चियापानको आयोजना गरेको हो ।
चियापान कार्यक्रममा पार्टीका पदाधिकारीसहित नेता–कार्यकर्ता, समर्थकलगायत सहभागी भए । विभिन्न राजनीति दलका नेता पनि चियापनमा सहभागी हुन पुगेका छन् ।
यस्तै, विभिन्न क्षेत्रका व्यक्तित्व चियापनमा सहभागी भएका छन् । चियापन कार्यक्रममा राप्रपा नेपालका अध्यक्ष कमल थापा पनि पुगे ।
त्यसक्रममा राप्रपाका अध्यक्ष राजेन्द्र लिङ्देन र थापाले अंकमाल समेत गरे । मञ्चमा सँगै बसे । नेताद्वयबीच हार्दिकताका साथ अभिवादन आदानप्रदान भएको थियो ।
थापा राप्रपाका यसअघिका अध्यक्ष समेत हुन् । भृकुटीमण्डमा भएको पार्टीको महाधिवेशनमा उनले अध्यक्ष पदमा नेता राजेन्द्र लिङ्देनसित प्रतिस्पर्धा गरेका थिए । त्यतिखेर थापालाई पराजित गर्दै लिङ्देन अध्यक्ष बने । त्यसपछि राप्रपाबाट अलग हुँदै थापाले राप्रपा नेपाल गठन गरे । त्यसयता पहिलोपटक उनीहरू सँगै एउटै मञ्चमा देखिएका हुन् ।
थप तस्बिर हेर्नोस्–
