काठमाडौं ।  स्ट्यान्डअप कमेडी रियालिटी शो ‘कमेडी च्याम्पियन’ सिजन–३ को अडिसन जनवरी ११ बाट सुरु हुने भएको छ । 

सहभागी हुन चाहने प्रतिस्पर्धीहरुले जनवरी ११ देखि जनवरी ३० सम्म अडिसन दिन सक्ने निर्देशक विशाल भण्डारीले जानकारी दिएका छन् । 

भिडियोको लम्बाई ५ मिनेटसम्मको हुनु पर्नेछ । प्रतिस्पर्धीले पे वेल एप डाउनलोड गरेर आफ्नो भिडियो पठाउन सक्ने बताइएको छ ।  

कमेडी च्याम्पियन’को पहिलो सिजन हिमेश पन्तले  र दोस्रो सिजन भरतमणि पौडेलले जितेका थिए । 

“भिडियो प्राप्त गरेपछि उत्कृष्टलाई छनोट गरेर फिजिकल अडिसनका लागि बोलाउने छौँ,” निर्देशक भण्डारीले भने ।