काभ्रे । साहित्यिक वृत्तमा लामो समयदेखि क्रियाशील संस्था ‘जनमत वाङ्मय प्रतिष्ठान’ले हरेक वर्ष प्रदान गर्दै आएको विभिन्न सम्मानहरूको घोषणा गरेको छ । प्रतिष्ठानका अध्यक्ष साहित्यकार मोहन दुवालद्वारा प्रेषित विज्ञप्तिअनुसार यस वर्ष २०७७ र २०७८ सालको ‘दीपा–जनमत सम्मान’ भगवती अर्याल पाण्डे (नवलपुर) र युवराज नयाँघरे (इलाम)लाई प्रदान गर्ने निर्णय गरेको छ ।
त्यस्तै ‘गणेश–खिलकुमारी दुवाल–जनमत सम्मान’ श्रीओम श्रेष्ठ रोदन (ललितपुर) र अशेष मल्ल (धनकुटा)लाई, ‘हृदयचन्द्र–जनमत वरिष्ठ साधक सम्मान’ रामकुमार पाँडे (ललितपुर) र पद्मावती सिंह (काठमाडौ)लाई, ‘जनमत–जनक प्रधान सेवा सम्मान’ सुरेश कसजू (सिन्धुपाल्चोक) र मणि लोहनी (नुवाकोट)लाई प्रदान गरिने निर्णय गरिएको छ ।
‘केवलपुरे–जनमत सम्मान’ सुमित्रा सुमि (नुवाकोट) र जलेश्वरी श्रेष्ठ (काठमाडौं)लाई, ‘जनमत–महेन्द्रलाल कलाकार सम्मान’ विक्रमश्री (मोरङ) र राजु तुलाधर (काठमाडौ)लाई, ‘कमला सैंजू–जनमत सम्मान’ डा. गीता त्रिपाठी (काभ्रे) र तारा केसी (काभ्रे)लाई, ‘जनमत–राजभाइ सहयात्री सम्मान’ दिलसुन्दर श्रेष्ठ (काभ्रे) र हरिप्रसाद चौलागाई (काभ्रे)लाई, ‘भारती–जनमत साहित्यिक पत्रकारिता सम्मान’ सीता राई थुलुङ (खोटाङ) र बालिका गिरी (काठमाडौंं) लाई प्रदान गरिने विज्ञप्तिमा उल्लेख छ ।
प्रतिष्ठानले ‘जनमत–केदार/सुदर्शना बालसाहित्य सम्मान’ अनन्तप्रसाद वाग्ले (काभ्रे) र विजयराज आचार्य (प्युठान) लाई, ‘जनमत–सिचि धर्म/संस्कृति सम्मान’ शीला पन्त (काठमाडौं) र ऋषिकेशव कँडेल (रुपन्देही)लाई, ‘जनमत–मित्र अनुवाद राष्ट्रिय सम्मान’ कृष्णप्रकाश श्रेष्ठ (मरणोपरान्त, काठमाडौं) र डा. गंगाप्रसाद अकेला (धनुषा) लाई तथा ‘जनमत–दीपक वैद्य स्वास्थ्य सम्मान’ डा. रवीन्द्र समीर पाण्डे (गुल्मी) र योगेन्द्र प्रधानाङ्ग (भक्तपुर) लाई प्रदान गर्ने जनाएको छ ।
यसैगरी यसैवर्षदेखि प्रदान गरिनेगरी स्थापना भएको ‘जनमत–ज्ञानरत्न÷मंगलतारा राष्ट्रिय सम्मान’ टङ्कबबहादुर आलेमगर (उदयपुर) र ‘जनमत–पूर्णमान÷लुचि समाजसेवा सम्मान’ रुवि राजभण्डारी (बागलुङ) लाई प्रदान गरिनेछ ।
जनमत वाङ्मय प्रतिष्ठान नेपालको ३९औं वार्षिकोत्सवका अवसरमा आउँदो चैत्र २५ गते बनेपामा आयोजना गरिने कार्यक्रममा घोषण गरिएका सम्मानहरू समर्पण गरिने विज्ञप्तिमा उल्लेख छ ।
