काठमकाडौं । फ्राइडे रिलिज अन्तर्गत आजबाट नेपाली कथानक चलचित्र ‘डिसेम्बर फल्स’ हलमा रिलिज भएको छ । आर्यन सिक्देल र उपासना सिंह ठकुरी चलचित्रको मुख्य भूमिकामा छन् ।

प्रभिन झाले निर्देशन गरेको चलचित्र नर्सको जीवन कथामा आधारित सिनेमा हो । प्रेम, रोमान्स, दुर्घटना, वियोग, पुनरमिलनको फर्मुलामा बनेको चलचित्रमा आर्यन र उपासनाका अलावा सलोन बस्नेत, शिवहरी पौडेललगायत कलाकारको पनि अभिनय छ । 

करिब साढे तीन वर्ष पछि आर्यनको नयाँ चलचित्र रिलिज हुन लागेको हो । उनले चलचित्र राम्रो रहेको र उत्साहजनक प्रतिक्रिया आउने अपेक्षा रहेको बताउँदै आएका छन् । 

‘डिसेम्बर फल्स’ले सिनेमा हलमा राम्रो शोज पाएको छ ।