काठमाडौं । नेपाली कथानक चलचित्र ‘तिम्रो मेरो साथ’ले मोफसल टुर सुरु गरेको छ । पुस २९ गतेबाट प्रदर्शनको तयारीमा रहेको चलचित्रले मोफसल टुर मंगलबार पोखराबाट सुरु गरेको हो । 

निर्देशक रमेश एमके पौडेलकका अनुसार पोखराबाट सुरु भएको मोफसल टुर बुटवल, नारायणगढ, हेटौंडा, बिराटनगर, बिर्तामोड हुँदै काठमाडौंमा आएर सकिनेछ । 

चलचित्रको टिमलाई पोखरामा दर्शक तथा त्यहाँ सञ्चालनमा रहेका मिडियाका पत्रकारबाट मिलेको साथले उत्साह थपेको अभिनेत्री साम्राज्ञी राज्यलक्ष्मी शाहले बताइन् ।

मोफसलका अन्य सहरमा पनि न्यानो साथको अपेक्षा रहेको अभिनेता पुष्प खड्काले जानकारी दिए । 

चलचित्रमा पुष्प, साम्राज्ञीसँगै सन्दीप क्षेत्री, सरोज खनाल, खड्क बहादुर पुन, दिपिशा केसीलगायत कलाकारको अभिनय छ ।