विराटनगर । उद्योग संगठन मोरङको आयोजनामा विराटनगरमा मंसिर २९ गतेदेखि सुरु हुने विराट एक्पोको सिङ्गिङ आइलड प्रतियोगिताका लागि बिहीबारदेखि अडिसन सुरु भएको छ ।
आयोजक उद्योग संगठनको हलमा प्रतियाेगीकाे छनाेट थालिएको छ । १५० प्रतिस्पर्धीबाट ३० जनालाई प्रतियोगिताका लागि छनोट गरिने इभेन्ट कोअर्डिनेटर करण देवले बताए । ३० जनामध्येबाट ग्रान्ड फिनालेमा पाँचजना जाने देवले जानकारी दिए ।
प्रतियाेगितामा प्रथम, द्वितीय र तृतीय हुनेलाई नगद पुरस्कारको पनि व्यवस्था गरिएको छ ।
प्रदेश नं १ का लुकेका प्रतिभाहरूलाई प्रस्फुटित गराउन उपयुक्त मञ्च उपलब्ध गराउने, गायन क्षेत्रका प्रतिभाको खोजी गरी त्यस्ता प्रतिभालाई राष्ट्रिय स्तरमा परिचित गाउने उद्देश्यले प्रतियोगिता आयोजना गर्न लागिएको उद्योग संगठन मोरङले जनाएको छ ।
आइडलको ग्रान्ड फिनाले एक्स्पोको अन्तिम दिन हुने र निर्णायक गायिका इन्दिरा जोशी विराटनगर आउने जनाइएको छ ।
