अकल्यान्ड । न्युजिल्यान्डको एक अदालतले कोभिड–१९ विरुद्ध खोप लगाएका रक्तदाताहरूले रगत चढाएको मुद्दाको केन्द्रमा रहेका एकजना बालकलाई स्वास्थ्य अधिकारीहरूले अस्थायी रूपमा हिरासतमा राख्न आदेश दिएको छ ।
चार महिने ती बालकको मुटुको गडबडीका कारण अकल्यान्डको एउटा अस्पतालमा शल्यक्रियाको प्रतिक्षामा रहेका छन् । उनका आमाबाबुले उनको शल्यक्रिया रोकेका छन् । उनीहरू आफ्नो सन्तानलाई कोभिड–१९ विरुद्ध खोप नलगाएका व्यक्तिको रगत दिन लगाउन अदालतको निणर्यको पर्खाइमा बसिरहेका थिए । तर, उच्च अदालतले भने शल्यक्रिया बच्चाको ‘सबैभन्दा हितमा हुने’ निर्णय दिएको छ ।
न्यायाधीश इयान गाउल्टले ‘बेबी डब्ल्यू’ नाम दिइएका ती बच्चाको शल्यक्रिया नसकुन्जेल र शल्यक्रियापछिको उपचार अवस्थामा पनि उनलाई अदालतको अभिभावकत्वमा राख्न आदेश दिएका छन् ।
न्यायाधीशले उनका अभिभावकको अनुरोध अस्वीकार गरेका छन् । साथै न्यायाधीशले अझै उनका आमाबाबु प्रमुख अभिभावककै रूपमा रहने र डाक्टरहरूले बच्चाको उपचार र अवस्थाबारे उनीहरूलाई निरन्तर जानकारी दिन पनि निर्देशन दिएका छन् । बीबीसीबाट