काठमाडौं । कतारमा जारी फिफा विश्वकपमा शनिबार नकआउट चरणको आफ्नो पहिलो खेलमा अस्ट्रेलियाविरुद्ध पहिलो हाफमा अर्जेन्टिनाले १–० को अग्रता बनाएको छ ।

लियोनल मेसीले ३५ औँ मिनेटमा गोल गरेपछि अर्जेन्टिनाले कतारको अहमेद अलि बिन रंगशालामा जारी खेलमा अग्रता बनाएको हो । १८ यार्ड बक्सभित्रबाट निकोलस ओटामेन्डीले मिलाएको बलमा मेसीले उत्कृष्ट ‘फिनिसिङ’ गरे । 

विश्वकपको नकआउट चरणमा मेसीले गरेको यो पहिलो गोल हो । 

मेसीको यो फुटबल करियरको १००० औं खेल हो । मेसीले अर्जेन्टिनाबाट हालसम्म १६८ खेल खेलेका छन् । 

अर्जेन्टिना समूह ’सी’ को विजेता बन्दै नकआउटमा आएको हो । यता अस्ट्रेलिया भने समूह ’डी’ को उपविजेता बन्दै अन्तिम–१६ मा आएको हो ।