काठमाडौं । पेटको क्यान्सरसँग लडिरहेका ब्राजिलका फुटबल लिजेन्ड पेलेको उपचारमा केमोथेरापीले अपेक्षित नतिजा आउन छाडेपछि ‘प्यालिएटिभ केयर’मा राखिएको फोल्हा डे एस पाउलो पत्रिकाले जनाएको छ ।

सर्वकालीन महान् खेलाडी ८२ वर्षीय पेलेलाई मंगलबार अल्बर्ट आइन्स्टाइन अस्पतालमा भर्ना गरिएको थियो । उनकी छोरी केली नासिमेन्टोले पेलेलाई नियमित परीक्षणका लागि अस्पतालमा राखिएको र उनको अवस्था सामान्य रहेको बताइएकी थिइन् । तर, शनिबार उनको श्वासप्रश्वासमा पनि समस्या देखिएको थियो ।

फोल्हा डे एस पाउलो पत्रिकाका अनुसार पेलेलाई केमोथेरापी दिन बन्द गरिएको छ । उनलाई प्यालिएटिभ केयरमा राखिएको जनाइएको छ । त्यसमा केवल दुखाइ र सास फेर्न गाह्रो हुनेजस्ता लक्षणहरूको मात्र उपचार गरिन्छ ।