काठमाडौं । आईसीसी विश्वकप क्रिकेट लिग–२ का लागि नामिबिया भ्रमणमा रहेको नेपालले आज घरेलु टिमविरुद्ध पहिले ब्याटिङ गरिरहेकाे छ । नामिबियाले टस जितेर फिल्डिङ राेजेकाे हाे ।
२० खेलबाट १७ अंक जोडेको नेपाल छैटौं स्थानमा छ । ओमान ४४ अंकका साथ शीर्ष स्थानमा छ । ४२ अंक जोडेको स्कटल्यान्ड दोस्रो, ३५ अंक जोडेको अमेरिका तेस्रो, ३२ अंक जोडेको नामिबिया चौथो र यूएई २७ अंकसाथ पाँचौं स्थानमा छ ।
ओमान र अमेरिकाले सबै ३६ खेल खेलिसकेका छन् । नेपालले १६ खेल खेल्न बाँकी छ । नामिबिया भ्रमणबाहेक नेपालले घरेलु मैदानमा दुई शृंखलामा ८ खेल खेल्नेछ । नेपालले नामिबिया, स्कटल्यान्ड, यूएई र पपुवा न्युगिनीसँग समान चार खेल खेल्न बाँकी छ ।
नेपाली टिमः
रोहितकुमार पौडेल (कप्तान), दीपेन्द्रसिंह ऐरी, ज्ञानेन्द्र मल्ल, आसिफ शेख, सोमपाल कामी, अर्जृुन साउद, गुल्सन झा, आरिफ शेख, कुशल भुर्तेल, सागर ढकाल र ललित राजवंशी ।
यसअघि ब्याटिङ हुनुपर्नेमा अन्यथा भएकाेमा सच्याइएकाे छ ।