काठमाडौं । नायिका केकी अधिकारीले नेपाली कांग्रेसका नेता गगन थापालाई भोट मागेकी छन् । काठमाडौं क्षेत्र नम्बर ४ बाट नेपाली कांग्रेसका तर्फबाट प्रतिनिधिसभा सदस्य उमेदवार गगनलाई केकीले सामाजिक सञ्जाल फेसबुकमार्फत भोट मागेकी हन् । 

नपाली कला, साहित्य, संस्कृति र चलचित्रप्रति गगनको विशेष रुचि रहेको आफूले पाएको भन्दै केकीले आसन्न निर्वाचनमा उनलाई जिताउन काठमाडौं क्षेत्र नम्बर ४ का मतदातासमक्ष आग्रह गरेकी छन् । 

आफ्नै सरकार सत्तामा रहँदासमेत राष्ट्रको चासोको विषयमा संसद्मा खबरदारी गरेको भन्दै केकीले नेपाली जनताको मुद्दामा सधैँ अग्रस्थानमान रहेर उठाउने गरेको बताएकी छन् । 

गगनको विजयले नेपालमा सम्भावनाका नयाँ ढोका खुल्ने पनि उनले अपेक्षा गरेकी छन् । सत्ता र प्रतिपक्षमा रहँदा गगनले उदाहरणीय भूमिका खेलेको पनि उनले स्मरण गराएकी छन् ।