काठमाडौं । काठमाडौं उपत्यकामा ३०० बढी सवारी चालक मापसे चेकिङमा परेका छन् । काठमाडौं उपत्यका ट्राफिक प्रहरी कार्यालयले गरेको तिहारलक्षित चेकिङका क्रममा पछिल्लो २४ घण्टामा ३०० बढी सवारी चालक कारबाहीमा परेका हुन् ।

ट्राफिक कार्यालयका सहायक प्रवक्ता अवदेश बिष्ट क्षेत्रीले तिहारलक्षित चेकिङ र अनुगमन बढाइएको तथा अहिले उपत्यकाको सवारी आवागमन सामान्य रहेको बताए । 

“उपत्यका भित्रने र बाहिरिने क्रम सामान्य छ । सवारी दुर्घटनालाई ध्यानमा राखेर राति तिहारलक्षित चेकिङ र अनुगमन बढाइएको छ,” उनले भने ।

ट्राफिक कार्यालयले तिहारको बेला मापसे गरी सवारी नहाँक्न आग्रहसमेत गरेको छ ।