काठमाडौं । बाह्रखरी मिडियाद्वारा आयोजित चौथो संस्करणको ‘डिशहोम १२खरी कथा लेखन प्रतियोगिता–२०७९’ को नतिजा सार्वजनिक भएको छ । आइतबार काठमाडौंमा एक विशेष कार्यक्रमको आयोजनाबीच नतिजा सार्वजनिक गरिएको हो ।

डिशहोम १२खरी कथा लेखनको चौथो स्पर्धामा नेपालसहित अमेरिका, बेलायत, अष्ट्रेलिया, चीन, भारत, कतार, यूएई, मलेसियालगायत मुलुकबाट ५९६ कथा प्राप्त भएका थिए । तीमध्येबाट उत्कृष्ट २५ कथा छानिएका छन् । उत्कृष्ट २५ भित्रबाट प्रथम, द्वितीय र तृतीय कथा पनि छनोट गरिएको छ । साथै, २५ कथाको सँगालो ‘उत्कृष्ट कथा–२०७९’ पनि लोकापर्ण गरिएको छ ।

कार्यक्रमका प्रमुख अतिथि शिक्षाविद् केदारभक्त माथेमा, डिशहोमका प्रमुख कार्यकारी अधिकृत सुदीप आचार्य, बाह्रखरी मिडियाका प्रधानसम्पादक प्रतीक प्रधान, प्रबन्ध निर्देशक ज्ञानेश्वर आचार्यलगायत व्यक्तिले उत्कृष्ट २५ कथाकारहरूलाई प्रमाणपत्रसहित प्रथम, द्वितीय र तृतीय हुन सफल विजेताहरूलाई ट्रफी, नगद, प्रमाणपत्र प्रदान गरे ।