site stats
विदेश
रुस र युरोपबीचका ग्यास पाइपलाइनमा रहस्यमय रूपमा क्षति 

बर्लिन । युरोपेली मुलुकहरूले रुस र युरोपबीचका दुईवटा प्रमुख ग्यास पाइपलाइनमा देखिएका तीनवटा रहस्यमय चुहावटको अनुसन्धान गरिरहेका छन् । नोर्ड स्ट्रिम १ र २ मा पुगेका क्षतिको कारण स्पष्ट भएको छैन । तर युरोपका सम्बिन्धित निकायहरूले भने यो कुनै  तोडफोडकै परिणाम हुनसक्ने तथ्यलाई नकार्न सकेका छैनन् । 

नोर्ड स्ट्रिम १ का सञ्चालकले समुद्र मुनिका लाइनहरूमा एकै दिनमा अप्रत्यासित ढंगले क्षति पुगेको जनाएको छ । मस्को र युरोपबीचको उर्जा तनावको क्रममा यी दुवै पाइपलाइन जोखिमपूर्ण स्थितिमा पुगेका छन् । क्षतिको कारण जेसुकै भएपनि तत्कालै यसले युरोपमा हुने ग्यास आपूर्तिलाई कुनै प्रभाव पार्ने छैन किनभने अहिले दुवै पाइपलाइन संचालनमा रहेका छैनन् । 

NMB Bank
Agani Group

यसअघि नै युरोपेली संघले युरोपलाई ब्ल्याकमेल गर्न ग्यास आपूर्ति कटौती गरेको आरोप लगाउने गरेको थियो । तर रुसले सो आरोप अस्विकार गरेको थियो । बरु रुसले रुसमाथि युक्रेन युद्धको कारण लगाइएका प्रतिबन्धका कारण ग्यास पूर्वाधारहरूको राम्रो मर्मत कार्य असम्भव हुन पुगेको बताएको थियो । 

डेनमार्कका प्रधानमन्त्री मेट्टे फ्रेडरिकसेनले तत्काल यस घटनामा षड्यन्त्र छ भनिहाल्न सक्ने स्थिति नभएपनि थुप्रै स्थानमा पाइप चुहिनुलाई संयोग मात्रै होला भने कल्पना गर्न पनि गाह्रो भएको प्रतिक्रिया दिएका छन् ।  

Global bank

बीबीसीबाट ।

प्रकाशित मिति: मंगलबार, असोज ११, २०७९  २३:३०
प्रतिक्रिया दिनुहोस्
सम्पादकीय