काठमाडौं । रियलमीले नार्जो सिरिजको ‘रियलमी नार्जो ५० ए प्राइम’ सार्वजनिक गरेको छ ।
यो फोनमा अल्ट्रा–स्लिक डिजाइन, शक्तिशाली प्रोसेसर, पाँच हजार एमएच ब्याट्री र एआई–सक्षम क्यामेरा राखिएको कम्पनीले जनाएको छ ।
रियलमी नार्जो ५० ए प्राइममा पावर अपका लागि युनिसोड टी ६१२ प्रोसेसर, ८.१ एमएमको अल्ट्रा स्लिम डिजाइन, फ्ल्यागसिपस्तरको ५० एमपी–एएल ट्रिपल क्यामेरा, आठ एमपी सेल्फी क्यामेरा रहेको छ ।
यस्तै, ६.६–इन्च एफएचडी डिस्प्ले, पाँच हजार एमएच ब्याट्रीद्वारा सञ्चालित छ, त्यो स्ट्यान्डबाइमा ३९ दिनसम्म चल्ले कम्पनीले जनाएको छ ।
रियलमी नार्जो ५० ए प्राइम फ्ल्यास ब्लु कलर र ४+१२८ जीबी भेरियन्टमा बजारमा उपलब्ध छ । जसको मूल्य २१ हजार ७९९ रुपैयाँ रहेको कम्पनीले जनाकारी दिएको छ ।
रियलमी नेपालका हेड मुनीष गिरीले भने, “नेपाली बजारमा रियलमी नार्जो सिरिजअन्तर्गत नयाँ रियलमी नार्जो ५० ए प्राइम ल्याउन पाउँदा हामी अत्यन्तै उत्साहित छौँ । यो नयाँ स्मार्टफोन हाम्रा प्रयोगकर्ताहरूलाई अत्याधुनिक प्रविधिको समग्र अनुभव प्रदान गर्ने अर्को कदम हो । यसमा भएको ६.६ इन्चको एफएचडी डिस्प्ले र ५० एमपी क्यामेराले प्रयोगकर्ताहरूलाई स्मार्टफोनको सेग्मेन्टमा उत्कृष्ट अनुभव प्रदान गर्दछ ।”