काठमाडौं । साओमीले ‘साओमी एस–१ एक्टिभ’, ‘रेड मी स्मार्ट ब्यान्ड प्रो’ र ‘मिहोम सेक्युरिटी क्यामरा ३६०’ नेपाली बजारमा ल्याएको छ । साओमीको स्मार्ट अप्लाएन्स सेग्मेन्टअन्तर्गत को होम सेक्युरिटी क्यामेरा घरको सुरक्षाका लागि र बाँकी दुई भने स्मार्ट वाच रहेको जनाएको छ ।

नयाँ प्रोडक्टको लन्च गर्दै साओमी नेपालका कन्ट्री जेनेरल म्यानेजर अमित पन्डा सधैं सर्वोत्कृष्ट प्रविधि र सर्वोत्कृष्ट डिजाइन युक्त डिभाइसहरू उपभोक्तामाझ ल्याउन प्रयासरत रहेको बताए ।  “हामी चाहन्छौँ हाम्रा उपभोक्ताहरूका लागि दैनिक जीवनमा काम लाग्ने व्यावहारिक, राम्रो पर्फर्मेन्स भएको र उपयोगी फिचरहरू भएको उत्पादनहरू दिन सकौँ,” उनले भने ।

साओमी एस् वान एक्टिभ फिट्नेसमा रुचि राख्ने व्यक्तिहरूका लागि उपयोगी लेटेस्ट र स्टाइलिस स्मार्ट वाच भएको उनले बताए । जसमा १.४३ इन्च को हाइ रेजोल्युसन एमोलेड डिस्प्ले र ६० हर्ज को हाइ रिफ्रेस स्क्रिन रहेको छ । यसले चौबिसै घण्टा मुटुको चाल रेकर्ड गर्नुको साथै अन्य ११७ वटा फिट्नेस मोडहरू पनि रहेको उनले बताए ।

यस्तै, रेड्मी स्मार्ट ब्यान्ड प्रो पनि १.४७ इन्चको फुल एमोलेड डिस्प्लेसहित उपलब्ध रहेको जनाएको छ । जसले रगतमा भएको अक्सिजन लेभल जाँच्नुको साथै चौबिसै घण्टा मुटुको चाल पनि रेकर्ड गर्ने उनले बताए । वाटर रेसिस्टन्ट स्मार्ट वाचमा ११० भन्दा बढी वर्कआउट मोडहरू रहेका छन् ।

 त्यस्तै, मिहोम सेक्युरिटी क्यामरा ३६० बाट मधुरो उज्यालोमा पनि फुलकलर प्यालेट देख्न सकिने कम्पनीले जनाएको छ । ती क्यामराहरुले ३६० एङल बाटै मोसन डिटेक्ट गर्दै तुरुन्तै अलार्म पठाउँछन् जनाएको छ ।

त्यस्तै,  त्यसमा भएको टु वे अडियो टक ब्याक फिचरले जहाँबाट पनि आफ्नो परिवारसँग कुरा गर्न सकिने जनाएको छ । यसमा ३२ जिबीसम्मको स्टोरेज रहेको जनाएको छ ।

साओमी एस वान एक्टिभ स्मार्ट वाचको मूल्य नेपाली रुपैयाँ २२ हजार ९९९ रहेको जनाएको छ । यस्तै, रेड मी स्मार्ट ब्यान्ड प्रोको मूल्य ६ हजार १९९ र मी होम सेक्युरिटी क्यामरा ३६० को मूल्य ४ हजार ४९९ रहेको रहेको जनाएको छ ।