पोखरा । पर्वतको कुश्मा नगरपालिका वडा न ३ दुर्लुङमा भिषण वर्षाका कारण पहिरो जाँदा घरहरु पुरिएका छन । स्थानीयका अनुसार घरसँगै मान्छेहरु पनि पुरिएको हुनसक्ने स्थानीयहरुको अनुमान छ । तर, जिल्ला प्रशासन कार्यालयले यसको पुष्टि भने गरिसकेको छैन ।

पर्वतका प्रमुख जिल्ला अधिकारी शम्भुप्रसाद रेग्मीका अनुसार दुर्लुङको ढकालबारी भन्‍ने स्थानमा पहिरो गएको हो । कति क्षति पुगेको छ भन्ने बारेमा बुझ्न अहिले प्रजिअसहित जिल्ला प्रहरी कार्यालय र सुरक्षा निकायको टोली घटनास्थल जाँदैछ ।

स्थानीयका अनुसार आधा दर्जनभन्दा बढी घरहरुमा क्षति पुगेको छ ।

केहि मानिसहरु पनि घरले पुरिएको आशंका उनीहरुले गरेका छन् ।अहिले पनि भिषण पानी परिरहेकाकारण उद्धारमा कठिनाइ भइरहेको जनाइएको छ ।