अर्थ व्यवसाय
काठमाडौं । बिहीबार सामान्य सुधार आएको सेयर बजार आइतबार फेरि १२ अंक घटेको छ ।
आइतबारदेखि बुधबारसम्म बजार लगातार घटेकोमा बिहीबार ६.५ को झिनो अकं सुधार आइ नेप्से परिसूचक १ हजार ७९४ अंकमा पुगेको थियो । आइतबार घटेर १ हजार ७८२ अंकमा सिमित भएको छ । आइतबार ९६ करोड ४५ लाख ९९ हजार रुपैयाँ बराबरको सेयर किनबेच भएको छ ।
आइतबार बैकिङ, जलविद्युत्, वित्त, विमा र उत्पादनमुलक क्षेत्रको सेयर मूल्य घट्दा लगानीकर्ताले गुमाएका छन् । यस्तै होटल र विकास बैंकको सेयर भाउ बढ्दा लगानीकर्ताले कमाएका छन् ।
मूल्य घटेपछि लगानीकर्ताले एकैदिन झण्डै १४ अर्ब रुपैयाँ गुमाएका छन् । आइतबार बजार पुंजीकरण घटेर १९ खर्ब ७५ अर्ब ३१ करोड रुपैयाँ सिमित भएको छ । अघिल्लो बजार पुंजिकरण १९ खर्ब ८८ अर्ब ६९ करोड रुपैयाँ थियो ।
प्रकाशित मिति: आइतबार, कात्तिक ७, २०७३ १७:३९
प्रतिक्रिया दिनुहोस्