काठमाडौं । नेपाल राष्ट्र बैंकले ४ वटा विकास बैंकलाई वोनस सेयर र नगद लाभांश वितरण गर्न स्वीकृति दिएको छ । 

बैंकले वार्षिक साधारणसभाबाट पारित गर्ने शर्तमा सेयरधनीलाई वोनस सेयर र नगद लाभांश दिने स्वीकृति दिएको हो । लाभांश वितरणको स्वीकृति पाउनेमा  सिन्धु विकास बैंक, साइन रेसुङा विकास बैंक, मुक्तिनाथ विकास बैंक र भागर्भ विकास बैंक छन् ।

 नेपाल स्टक एक्सचेन्ज लिमिटेड (नेप्से) का अनुसार सिन्धुले १६.८ प्रतिशत वोनस सेयर र कर प्रयोजनका लागि ०.८प्रतिशत नगद लाभांश दिने प्रस्ताव गरेको छ । यस्तै साइन रेसुङाले २७ प्रतिशत स्टक लाभांश, मुक्तिनाथले ३४ प्रतिशत स्टक लाभांश र २० प्रतिश स्टक लाभांश र १.०५ प्रतिशत नगद लाभांशको प्रस्ताव गरेको छ ।

नेपाल राष्ट्र बैंकले आगामी असारसम्म चुक्तपुँजी बढाउन निर्देशन दिएपछि बैंकहरुले सेयरधनीलाई धामधम वोनस सेयर दिन लागेका हुन् ।