विदेश
काठमाडौं । इस्लामिक स्टेट (आईएस) आतंककारी समूहले युद्धरत इराकी सहर मोसुलमा केही बालकसहित २८४ जना सर्वसाधारणलाई फाँसी दिएको इराकी इन्टेलिजेन्स स्रोतलाई उद्धृत गर्दै अमेरिकी समाचार संस्था सीएनएनले जनाएको छ ।
ती मारिएका व्यक्तिहरुलाई आईएस विद्रोहीले मोसुलमा मानव ढालको रुपमा प्रयोग गरेको र तिनीहरुलाई बिहीबार र शुक्रबार मृत्युदण्ड दिएको बताइएको छ ।
ती व्यक्तिहरुको शवलाई उनीहरुले हाल सञ्चालनमा नरहेको कलेज अफ एग्रिकल्चर रहेको स्थानमा सामूहीक रुपमा गाडिएको बताइएको छ । फाँसीमा चढाइएका ती सबैलाई पछि गोली समेत हानिएको बताइएको छ । तर यस्तो दाबीलाई सीएनएनले स्वतन्त्र रुपमा पुष्टि गर्न भने नसकेको बताएको छ ।
प्रकाशित मिति: आइतबार, कात्तिक ७, २०७३ १३:१३
प्रतिक्रिया दिनुहोस्