काठमाडौं । व्यवस्थापिका–संसद्मा मंगलबारदेखि महाभियोग प्रस्तावमाथि छलफल हुने भएको छ ।

संसद्को आइतबार बसेको बैठकमा सभामुख ओनसरी घर्तीले पूर्ण बैठकमा यसबारेमा जानकारी गराउँदै छलफलको मिति र समय तय गरेकी हुन् । 

बुधबार नेकपा एमाले र माओवादी केन्द्रका १५७ सांसदले अख्तियार दुरुपयोग अनुसन्धान आयोगका प्रमुख आयुक्त लोकमान सिंह कार्कीविरुद्ध महाभियोग प्रस्ताव दर्ता गराएका थिए । बिहीबार नै छलफलको मिति र समय तय गर्ने तयारी भए पनि प्रधानमन्त्रीको आग्रहमा बैठक स्थगित गरिएको थियो ।

आइतबारको बैठकमा सभामुख घर्तीले महाभियोग प्रस्तावमा मंगलबार ३ बजेदेखि छलफल हुने जानकारी गराएकी थिइन् ।