काठमाडौं । बलिउड अभिनेत्री परविन बाबीको मृत्यु भएकोे एक दशकपछि बम्बई उच्च अदालतले उनको इच्छापत्रलाई बैधता प्रदान गरेको छ । 

अब परवीन बाबीको इच्छाअनुसार उनको सम्पत्तिको ठूलो हिस्सा सामाजिक उद्देश्यका लागि खर्च हुने बाटो खोलिदिएको भारतीय समाचार संस्था पीटीआईले जनाएको छ ।

फैसलाअनुसार अब उनको सम्पत्तिको ७० प्रतिशत सामाजिक काम अन्तर्गत महिला र बालबालिकाका लागि खर्च हुनेछ ।  १० प्रतिशत बाबीको मातृसंस्था सेन्ट जेभियर्स कलेज र बाँकी २० प्रतिशत मुराद खानले पाउने छन् ।

न्यायाधिसले बाबीको इच्छापत्र सक्कलि भएको प्रमाणपत्र १४ अक्टोबरमा जारी गरेको हो । यसअघि उनका नातेदारले उक्त कुराको पालाना गर्न अनिच्छुक थिए । 

सन् २००५ जनवरीमा मुम्बईको जुहूमा उनको अपार्टमेन्टमा उनको मृत्यु भएको थियो । उनको मृत्युपछि उनका काका मुराद खानले बाबीले मृत्य हुनुभन्दा अघि उनको सम्पत्तिको रेखदेखको जिम्मा दिएको दाबी गरेका थिए । जसमा जुहूस्थित अपार्टमेन्ट, जूनागढको एक घर, गहना तथा बैंकमा जम्मा भएको राशी थियो । तर उनका अन्य नातेदारहरुले त्यस दाबीलाई चुनौती दिएपछि प्रमाणीकताका लागि अदालतमा गएका थिए ।

बाबीले ‘अमर अकबर एन्थोनी’, ‘दीवार’ र ‘शान’ जस्ता हिट फिल्ममा अभिनय गरेकी थिइन ।