प्रविधि
काठमाडौं । पछिल्लो समयमा प्रविधिमा भएको विकासले विभिन्न अनौठा खालका उत्पादनहरु हाम्रा सामु प्रस्तुत हुँदै आएका छन् ।
यस्तै विकासको उपहारको रुपमा वारपार देखिने टिभी पनि वास्तविक हुने भएको छ । जबसम्म यो टिभीलाई खोलिँदैन मानिसलाई यो टिभी हो भन्ने थाहै हुँदैन । अबको तीन वर्षमा यो टिभी बजारमा आउने अपेक्षा गरिएको छ । जापानको बहुराष्ट्रिय कम्पनी पानासोनिकले यो टिभीको उत्पादन गर्ने भएको छ ।
प्रविधि वेबसाइट एनगजेटका अनुसार यो टिभी पनि अन्य जस्तै चमकदार र सफा तस्बिर देखिने खालको हुनेछ ।
यसको लागि टिभीमा पारदर्शी ‘ट्रान्सपरेन्सी मोड’ को विकल्प रोजिएको छ । यसले टिभीको स्क्रीनलाई पारदर्शी सीसा जस्तै स्वरुपमा बदल्छ । यसैगरी ‘स्क्रीन मोड’ थिचेपछि फेरी स्क्रीन हाम्रो सामु देखा पर्छ ।
प्रकाशित मिति: आइतबार, असोज ३०, २०७३ १५:३३
प्रतिक्रिया दिनुहोस्