खेल
काठमाडौँ । काठमाडौँको महाबिर क्लब सी डिभिजनमा घटुवा भएको छ । बि डिभिजन लिग अन्तर्गत शुक्रबार खुमलटार युथ क्लबसंग पराजित भएपछि महाबिर सी डिभिजनमा घटुवा भएको हो ।
एन्फा कम्प्लेक्स सातदोवाटोमा भएको खेलमा महाविर खुमलटारसंग ४–२ गोल अन्तरले पराजित भएको थियो । यो हारसंगै लिगमा मात्र ४ अंक जोडेको महाबिर एक खेलअघि नै सी डिभिजनमा झरेको हो । महाबिरले १२ खेल सकिदा १ खेलमा जित र एक खेल बराबरी खेल्दा ११ खेलमा पराजित भएको छ ।
खुमलटारको जितमा सुरज राउतले २ तथा निरेश दुलाल र सविन चौधरीले एक एक गोल गरे । महाबीरका लागि विकाश गुरुङ र उमेश थापाले एक एक गोल फर्काए । जितसंगै खुमलटारले १५ अंक जोडेर लिगको सातौ स्थानमा उक्लेको छ । यस्तै शुक्रबार नै भएको अर्को खेलमा मध्यपुर युथ एसोसियसनले नयाँ बस्ती युवा क्लबलाई पराजित गरेको छ । मध्यपुरले नयाँबस्तीलाई २ – १ ले पराजित गरेको छ । मध्यपुरको जितमा निशान बस्नेत र विसन गुरुङले एक एक गोल गरे । नयाँ बस्तीका लागि मोहन गुरुङले एक गोल गरे । जितसंगै मध्यपुरले १३ अंक जोडेर ११ औ स्थानमा रहेको छ । पराजित नयाँबस्ती १३ अंक जोडेर १० औ स्थानमा रहेको छ ।
प्रकाशित मिति: शुक्रबार, असोज १४, २०७३ १८:४२
प्रतिक्रिया दिनुहोस्