प्रविधि
काठमाडौं । विश्वको सबैभन्दा ठूलो स्र्माटफोन कम्पनी सामसङको ‘ग्यालेक्सी एस सेभन एज’ स्र्माटफोन बेलायतको प्रतिष्ठित ‘टी थ्री अवार्ड’मा स्मार्टफोन अफ दि एयरको पुरस्कारबाट सम्मानित भएको स्काइ न्युजले जनाएको छ ।
ग्यालेक्सी नोट सेभेन स्र्माटफोनले विश्वभर ब्याट्रीबाट आगो निस्कने समस्याबाट बदनामी कमाएको बेला यो ब्रान्डले गुगल, एप्पल तथा एचटिसीका अन्य स्र्माटफोनलाई पछार्दै उक्त उपलब्धि हासिल गर्न सफल भएको हो ।
केही महिनाअघि ग्यालेक्सी एस सेभन एजमा पनि आगलागीको उजुरी बेलायत तथा अमेरिकाबाट प्राप्त भए पनि त्यसलाई कम्पनीले अस्वीकार गरेको थियो ।
अवार्ड कार्यक्रममा सामसङले फोन अफ दि इयरबाहेक ब्रान्ड अफ दि इयर र यसको गेयर एस टु स्मार्टवाचले वेयरेबल टेक्नोलोजी विधामा पुरस्कार प्राप्त गरेको छ ।
विश्वको चर्चित स्मार्टफोन एप्पल आईफोनले ग्याजेट अफ दि डिकेडको अवार्ड प्राप्त गर्न सफल भएको छ । त्यस्तै भर्चुअल रियालिटी हेडसेट एचटिसीले गेमिङ प्रडक्ट अफ दि इयर, इनोभेसन अफ दि इयर तथा ग्याजेट अफ दि इयरको पुरस्कार प्राप्त गरेको छ ।
प्रकाशित मिति: बिहीबार, असोज १३, २०७३ १३:२३
प्रतिक्रिया दिनुहोस्